Shiv Chalisa

ॐ

॥ दोहा ॥ जय गणेश गिरिजा सुवन, मंगल मूल सुजान। कहत अयोध्यादास तुम, देहु अभय वरदान।। ॥ चौपाई ॥ जय गिरिजा पति दीन दयाला। सदा करत सन्तन प्रतिपाला।। भाल चन्द्रमा सोहत नीके। कानन कुण्डल नागफनी के।। अंग गौर शिर गंग बहाये। मुण्डमाल तन क्षार लगाये।। वस्त्र खाल बाघम्बर सोहे। छवि को देख नाग मुनि मोहे।। मैना मातु की हवे दुलारी। बाम अंग सोहत छवि न्यारी।। कर त्रिशूल सोहत छवि भारी। करत सदा शत्रुन क्षयकारी।। नंदी गणेश सोहैं तहँ कैसे। सागर मध्य कमल हैं जैसे।। कार्तिक श्याम और गणराऊ। या छवि को कहि सकत न काऊ।। देवन जबहीं जाय पुकारा। तबहि दुख प्रभु आप निवारा।। किया उपद्रव तारक भारी। देवन सब मिलि करी पुकारी।। तुरत षडानन आप पठायउ। लव निमेष महँ मारि गिरायउ।। आप जलंधर असुर संहारा। सुयश तुम्हार विदित संसारा।। त्रिपुरासुर सन युद्ध मचाई। सबहिं कृपाकर लीन बचाई।। किया तपहिं भागीरथ भारी। पुरब प्रतिज्ञा तासु पुरारी।। दानिन महँ तुम सम कोउ नाहीं। सेवक स्तुति करत सदाहीं।। वेद नाम महिमा तव गाई। अकथ अनादि भेद नहिं पाई।। प्रकटे उदधि मंथन के काला। जरत सुरासुर भए विहाला।। कीन्ह दया तहँ करी सहाई। नीलकंठ तब नाम कहाई।। पूजन रामचन्द्र जब कीन्हा। जीत के लंक विभीषण दीन्हा।। सहस कमल मैं पूजन कीन्हा। कपट रूप एक कमल गहि लीन्हा।। कमल नयन पूजन चहुं कारा। कठिन भक्ति देखी प्रभु भारी।। जाहि निज नयन कमल उपारा। पूजन कीन्ह महेश तुम्हारा।। जय जय जय अनन्त अविनाशी। करत कृपा सब के घटवासी।। दुष्ट सकल नित मोहि सतावैं। भ्रमत रहौं मोहि चैन न आवैं।। त्राहि त्राहि मैं नाथ पुकारो। यहि अवसर मोहि आन उबारो।। लै त्रिशूल शत्रुन को मारो। संकट से मोहि आन उबारो।। मात-पिता भ्राता सब कोई। संकट में पूछत नहिं कोई।। स्वामी एक है आस तुम्हारी। आय हरो अब संकट भारी।। धन निर्धन को देत सदा हीं। जो कोई जांचे वो फल पाहीं।। अस्तुति केहि विधि करौं तुम्हारी। क्षमहु देव अब चूक हमारी।। शंकर हो संकट के नाशन। मंगल कारण विघ्न विनाशन।। योगी यति मुनि ध्यान लगावैं। नारद शारद शीश नवावैं।। नमो नमो जय नमो शिवाय। सुर ब्रह्मादिक पार न पाय।। जो यह पाठ करे मन लाई। ता पर होत है शम्भु सहाई।। ऋनियां जो कोई हो अधिकारी। पाठ करे सो पावन हारी।। पुत्र हीन इच्छत हो कोई। निश्चय शिव प्रसाद तेहि होई।। पण्डित त्रयोदशी को लावे। ध्यान पूर्वक होम करावे।। त्रयोदशी व्रत करे हमेशा। तन नहीं ताको रहे कलेशा।। धूप दीप नैवेद्य चढ़ावे। शंकर सम्मुख पाठ सुनावे।। जन्म-जन्म के पाप नसावे। अन्त धाम शिवपुर में पावे।। कहै अयोध्यादास आस तुम्हारी। जानि सकल दुख हरहु हमारी।। ॥ दोहा ॥ नित नेम कर प्रातः ही, पाठ करो चालीस। तुम मेरी मनोकामना, पूर्ण करो जगदीश।।

Doha: Jai Ganesh Girija suvan, mangal mool sujan, Kahat Ayodhyadas tum, dehu abhay vardan. Chaupai: Jai Girija pati deen dayala, sada karat santan pratipala. Bhal chandrama sohat neeke, kanan kundal nagphani ke. Ang gaur shir gang bahaye, mundmal tan kshar lagaye. Vastra khal baghambar sohe, chhavi ko dekh naag muni mohe. Maina matu ki have dulari, baam ang sohat chhavi nyari. Kar trishul sohat chhavi bhari, karat sada shatrun kshaykari. Nandi Ganesh sohain tah kaise, sagar madhya kamal hain jaise. Kartik shyam aur ganrau, ya chhavi ko kahi sakat na kau. Devan jabahi jaay pukara, tabahi dukh prabhu aap nivara. Kiya upadrav tarak bhari, devan sab mili kari pukari. Turat shadanan aap pathayau, lav nimesh mah maari girayau. Aap jalandhar asur sanhara, suyash tumhar vidit sansara. Tripurasur san yuddh machai, sabahin kripakar leen bachai. Kiya tapahin Bhagirath bhari, purab pratigya tasu Purari. Danin mah tum sam kou nahin, sevak stuti karat sadahin. Ved naam mahima tav gai, akath anadi bhed nahin pai. Prakate udadhi manthan ke kala, jarat surasur bhaye vihala. Keenh daya tah kari sahai, Neelkanth tab naam kahai. Poojan Ramchandra jab keenha, jeet ke lank Vibhishan deenha. Sahas kamal main poojan keenha, kapat roop ek kamal gahi leenha. Kamal nayan poojan chahu kara, kathin bhakti dekhi prabhu bhari. Jaahi nij nayan kamal upara, poojan keenh Mahesh tumhara. Jai jai jai anant avinashi, karat kripa sab ke ghatvasi. Dusht sakal nit mohi satavain, bhramat rahaun mohi chain na aavain. Trahi trahi main nath pukaro, yahi avasar mohi aan ubaro. Lai trishul shatrun ko maro, sankat se mohi aan ubaro. Maat-pita bhrata sab koi, sankat mein poochhat nahin koi. Swami ek hai aas tumhari, aay haro ab sankat bhari. Dhan nirdhan ko det sada hin, jo koi jaanche vo phal pahin. Astuti kehi vidhi karaun tumhari, kshamahu dev ab chook hamari. Shankar ho sankat ke nashan, mangal karan vighn vinashan. Yogi yati muni dhyan lagavain, Narad Sharad sheesh navavain. Namo namo jai namo shivay, sur brahmadik paar na paay. Jo yah path kare man lai, ta par hot hai Shambhu sahai. Runiya jo koi ho adhikari, path kare so pavan hari. Putra heen ichchhat ho koi, nishchay shiv prasad tehi hoi. Pandit trayodashi ko lave, dhyan poorvak hom karave. Trayodashi vrat kare hamesha, tan nahin tako rahe kalesha. Dhoop deep naivedya chadhave, Shankar sammukh path sunave. Janm-janm ke paap nasave, ant dham Shivpur mein pave. Kahai Ayodhyadas aas tumhari, jaani sakal dukh harahu hamari. Doha: Nit nem kar prataha hi, path karo chalis, Tum meri manokamna, poorn karo Jagdish.